Overblog
Editer l'article Suivre ce blog Administration + Créer mon blog
ABBE DUNATE

Eguberri on deneri

22 Janvier 2016 , Rédigé par ABBE DUNATE

Orotarat heldua dago Eguberri,

Jendaldetan egina batasun hazkurri !

Pobre ala jakintsun, haundi ala ttipi,

Denek berdin pesta bat dute egin nahi.

 

Eguberri ditake egin egiazki

Pestan barne delarik Jesus sar-arazi.

Baitu Horren sortzeak egin pesta hori,

Jesus ez den lekuan ez da Eguberri.

 

Eguberriratzeko zuzen eta garbi,

Ez da behar bakarrik jan eta edari,

Ez ere ukan nahi milaka opari :

Horietan dagonak fedea du eri.

 

Zinez nahi duenak zuzen erabili,

Nahiko du lehenik eman otoitzari

Arta eta denbora, izarian aski,

Leialtasun agertuz Jesus Haurñoari.

 

Eguberri ditake eremana gaizki

Jesusen ganatzea delarik ahantzi,

Bihotzean fedea izanez itzali,

Ilunbean galtzerat izanez erori.

 

Eman izan delarik eginbideari,

Eguberriri zinez dagokionari,

Izan ditake berdin eman otoitzari

Eta familietan behar den pestari

 

Eguberri ditake deseginarazi,

Lehenaren iduri ez bada atxiki

Artzainekin emanez  ohore Haurrari,

Mariaren medioz jiten zaukunari.

 

Apaltasuna dauku Haurrak erakutsi

Otalako batean zaukularik jarri :

Harekin bat eginez ditake ikasi

Nola dugun guk ere egun behar bizi.

 

 Eguberrik dezala ekar jendalderi

Zorion eta bake, bihotzetan argi,

Maitasuna orotan finkatuz azkarki

Deusgabeziak nehor es dezan errautsi.

 

Haurraren ganatzeak egiten du ongi

Zuzentasunarentzat delakotz iturri,

Iraupen finkatzaile leialtasunari,

Ahalen sor-arazle barkamenduari.

 

Jesusekin jin zauku Artzain on bat guri

Horri behar ginuke izanak jarraiki

Izaiteko emanak elgartasunari,

Fedearen bidetik zuzen doanari.

 

Esker onak kantatuz gure Jainkoari,

Otoitzean gaude gu Eguberri kari,

Zaukulakotz egina guhauren iduri

Ukaiteko Bizia Hartan ardietsi.

Abbé Dunate

Eguberri on deneri

Partager cet article

Repost0
Pour être informé des derniers articles, inscrivez vous :

Commenter cet article